Alles fängt aan met de elfte Minude von de elfte Stonn am elfte Daach vom elfte Monat em Johr. (De 11.11.) De Stadt kräit en Prinz on en Prinzessin, die en de Kampanje regeere doon. Faasenaachsvereine, meestens als Parodie off ed Millidär organiseert, veranstalte Parade, Sitzunge on Kostümbäll. Faasenaachslieder würen jesunge, mit äinfachem Text, datt, wämm me ebbes Beer ode Wäin jetrunk hätt, se good metsinge kann. De Höhepunkt erreischt datt Faasenaachs-träiwe zwösche de offizielle Proklamation vom Prinzepaar on Öschermettwoch. En der Zäit würen en de Wirtschafte Festje jefäiet on en de Stadthalle Sitzungen mit politische on witzige Vorträsch von de änzelne Faasenaachsvereine aabjehaale. De huhe Zäit vom Faasenaacht fängt an "Weiberfaasenaacht" an, der ömmer am Donnerschdaach für Öschermettwoch fällt. An dämm Daach hann de Weiwer ed Kommando. De maskeerte Fraue zejen met em Zuch dorsch de Stadt. Met Scheren bewaffnet schnä&aüml;ide se de Männer de Krawatte aab. Rusemondaach es de Höhepunkt der Faasenaachszäit. Hauptattraktion es der good organiseerte Zuch. Su en Rusemondaachszuch kann dräi bes veer Stonn dauere. En kläiner Zuch es an Faasenaachs-Samstag en de Stadt ze see, der sesch aus de Bevölkerung zesammesetzt. De Leut hann Fantasiekostüme aan. Datt es des sujenannte "Rekruttezuch". Ed es Tradition, datt de Leut, die den Zuch am Stroßerand zoogucke maskeert säin, no Kamelle roofe, met ihre Nopere singe on schunkele on laut "Alaaf" roofe.
Ins Andernacher Platt übertragen von Gisela Pfeil